القاموس السياسي الروش ....

القاموس السياسى للناس اللى مش عارف المعانى دى
فى عهد الناس دى المعانى اتغيرت خالص
ودى المعانى الجديدة المقصودة

العولمه : عمليه تحول فن وثقافه جدا
تتزعمها العولميه فيفي عبدة ودينا .

الشفافية : سمه ضروريه تستخدم فى ملابس عصر العولمه
ومثال ذلك شفافيه ملابس زعماء العولمه

الخصخصة : نعرفها اكتر فى شم النسيم . لما الواحد بيشوف الخس كتير وكله يتباع.

التعمير والاسكان : والتعمير... اكتر مكان تشوفه فى الغرز
ولاسكان.... فى الصيدليات لما بناخد مسكن.

حريه النشر والطباعة : يعنى كل واحدة تنشر فى بيتها زى ما هيه عيزة

حريه التصويت : يعنى كل ست تصوت براحتها بشرط تسمع الجيران
التغيير الشامل : يعنى الام تغير كل الهدوم لطفلها تغيير شامل

التعليم العالى : يعنى كل واحد يتعلم تعليم فوق السطوح
اللى سطحة اعلى هو اللى يتعلم اعلى

القانون : هو اله موسيقيه تشبه البيانو

الشريط الحدودى : شريط جديد لعمرو دياب

عصر المعلومات : يعنى العصر اللى فيه كل واحد يحصل على ما يريد بشرط دفع المعلومات


غسيل الاموال : اسوأ شىء وهو لما تنسى الاموال فى جيب البنطلون والبنطلون يتغسل .

قصور الثقافة فى مصر : يعنى الثقافة فى مصر قاصرة ومحدش عارف السبب

اتفاقيه الجات : والجات ده البانجو فى اليمن .

رجل السياسه : وهو اللى يعرف يسايس اموره .

الاصلاح الشامل: يعنى تصلح كل عفش البيت مرة واحدة

عمليه السلام : يعنى لما تقابل واحد تقوله السلام عليكم
سلام عادل وشامل : يعنى عادل يسلم وشامل يرد السلام

رجال الاعمال : وهم اللى بيفكوا ربط الناس ( الدجالين )

سياحة الاثار : يعنى خروج الاثار برة مصر علشان تلف العالم


العرب : جماعه بيعيشوا فى شمال سيناء
الجامعة العربيه : الجامعة اللى بتدرس العربى
العربى : ابن ابو العربى بورسعيد

البيت الابيض : البيت اللى مدهون ابيض من برة وجوة

حد فاهم حاجة